ياصاحبي طالت عليّ المسافه كل مانشدتك قلت لي الدرب قدام
وعدك مثل باكر احبه واخافـــه وماينقضي باكر على مر الايـــــام
كـــان التعب يثمر فلا به كلافه الله لو نقطف ثمر بعض الاحـــلام
ما اقول ضاع العمر عندك حسافه انت الثواني عشتها وانت الاعوام
ودي ربيع الغصن يسبق جفافه يامسقي العطشان من كاس الاوهام
كانك تعاف الصد حنا نعافــــــه ولا سهرت عيوني تبي عينك تنام
من لا خــــبر منك جميل خلافـــه مايملكه وعد ترى السعــد قـــــدام
كلمات الأمير بدر بن عبدالمحسن
